في الاول لما بدات المدونة دي قلت اني لازم اكتب الحاجة بيني و بين نفسي على ورقة و بعدين احطها عشان كدة مبقتش بكتب في المدونة بسبب فكرة التزويق اللي عايزة اعملها
ايه المشكلة لما اكتب كلام مش راكب على بعضه مادام اني حاسة بيه و طالع فعلا من قلبي
المهم يعني حاليا سبت بيتي في المنوفية و نزلت القاهرة عند جدتي عشان منحة دراسية هناك (دراسة و السلام هوة لازم يعني اقول منحة )و طبعا طلعت جد جدا فوق الللازم
لقيت اني مش بس اللي داخلاها و نيتي اطلع منها حاجة كبيرة اكتشفت ان متقبلش الا اللي في دماغهم كدة و بس و دي بقى كانت اكبر مشكلة بالنسبالي لاني دخلت في اولها بمنتهى الجدية و ابتديت اضعف لما حسيت ان الناس معايا مستواهم هايل
و لسة مدخلناش في التراك الاساسي يدوبك بنتجهز للجد :((
الانجلش مكنش مشكلتي كانت مشكلتي مواجهة خوفي
مواجهة الناس و التعامل معاهم
مشكلتي من و نا صغيرة الخجل الزايد عن الحد صح لما اتعود على حد بكون كويسة اوي في تعاملي معاه بس في الاصل انا خجولة جدا
و المشكلة دي مواجهتش حد من زمايلي و دة كان سبب في اني متاخرة عنهم شوية
صحيح بحاول اجاريهم بس ابتديت اتعب و صحيح بتحسن عن الاول بس بردو صعب اوي اوي صعب انك تحس انك بتنحت في الصخر بتغير حاجة انت بقالك 21 سنة عليها
يللا ربنا يستر هحاول اثبت بس يارب اقدر
5 comments:
طبعا هتقدري ان شاء الله صحيح ان ممكن يكون معاكي فعلا ناس هايليين جدا على حد تعبيرك لكن صدقيني لو قولتلك ساعات كتير بيكون الواحد بيقلل من قدر نفسه و صدقيني كل واحد يقدر فعلا يعمل كتير لو فعلا عايز يحقق ذاته هوا صحيح ساعات بيتسرب لنفس الواحد الضعف و الزهق و الملل و ده ممكن يأثر كتير علينا و على محاولتنا لتحقيق الي احنا عايزين نوصله الا ان لازم نحاول نثبت على طريقنا علشان كدا بحاول احط قدام عينيا كلمتين دايما افكر نفسي بيهم
to BE or not to BE
ثقي يا بنتي في قدرتك على انك تعملي حجات كتير لاني انا عارف انك تقدري يمكن التراك صعب شويه بس ان شاء الله مش هيكون صعب عليكي
(;
اما بالنسبة للخجل فكلنا هذا الشخص و يا ستي اعتبريه حياء لان هوا كدا فعلا و اعتقد ان ديه سمة لازم تكون موجودة في كل شخص الا ان طبعا ميكنش زيادة جدا لدرجة بتوصل لمرحلة الانطواء و اعتقد ان ديه حاجة مش موجودة فيكي
عموما ان شاء الله ربنا هيوفقك و اعرفي ان بالرغم من بعد المسافة الا ان زمايلك دايما هيكونوا جنبك
على فكرة كنت عايز اطمن عليكي و يا سبحان الله لقيت اللينك بالصدفة البحتة الا اني ما اعتقدش انها صدفة عموما تحياتي ليكي و نشوفك على خير
سلام
:)
ماجاش على بالي بالامانة ان حد يرد على البوست دي خالص و ماجاش على بالي بردو اني الاقيك يا شريف منور المدونة بتاعتي بالامانة اد ايه انبسطت من البوست بتاعك و ربنا يوفقك في حياتك
ربنا يوفقك
ان شاء هتقدرى تكملى فى الدراسة دى
وعلى فكرة انا بكتب فى مدونتى من غير ما اكون فكرت قبل كده انا عايزة اكتب ايه
اتفضلى زورينى بقى وشاركينى برايك
علشان ما اتجننش
باى
Post a Comment