زي كل يوم بيعدي عليه صحي من النوم و بص في ساعته صلى و دعا لربتا يارب وفقني و ارزقني و حبب خلقك فيا نزل يشوف مصالحه زي اي يوم عادي وصل لمكان دراسته و قابل زمايله بابتسامه زي مالرسول صلى الله عليه و سلم قال" تبسمك في وجه اخيك صدقة" و ابتسمولوا بالمثل و ياريتهم ما كانو ابتسموا ياريتهم كان كل واحد فيهم قال اللي جواه و مطلعش بوشين ازاي ناس تقابل بعض تضحك في وشها و من وراها تنهش فيها "ايحب احدكم ان ياكل لحم اخيه ميتا فكرهتموه" مش فاهمين حاجة زي دي و للا طبع في البشر مش هيتغير و للا ايه و احدة اعرفها شخصيا من اعز اصحابي كويسة جدا جدا جدا و بجد ربنا يحميها بس نعمل ايه محدش بيسيب حد في حاله كله بيتكلم على كله و لو ملقوش حاجة يتكلمو فيها ....هاااااااااتك يا اشاعات يللا هما وراهم حاجة بدل ما كل واحد ياخد باله من نفسه و يركز في الحاجة اللي هوة فيها -اللي هيا دراسته-لا ميبطلوش اذيه مش عارفة اقول ايه ، بس بجد اما الواحد بيشوف ناس بتعامل ناس بالاسلوب دة بيتعب اويييي عايز تقولي حاجة قولها في وشي صارحني بعيبي او بغلطي لو انت صاحب بجد مش يمكن تطلع ظالمني .....بلاش يا سيدي صاحب لو انت انسان ربنا خلقك بمشاعر و احاسيس زي الباقيين لو عايز الناس تعاملك حلو عاملهم بالمثل حرااااااااام حرام نإذي ناس مالهاش ذنب في حاجة و نتكلم عليهم بالسوء و لو عرفنا انننا ظنينا فيهم وحش.... و ماله تلاقو فلان اللي هناك دة بيعمل كذا و كذا و كذا ابه؟ ارض النفاق ؟؟؟فينك ياللي عملت فيلم ارض النفاق نرش حبة حبوب صراحة و ياريت نص شوال مراعاه لشعور الاخرين و امانة و نشيل شوية المصالح تخيلو لما واحدة تقابل صحابها البنات المؤدبين المحترمين-دة في نظرها للاسف- تقابلهم ببشاشة و بروح الاخوة و دول يسلمو عليها عادي و اخر اليوم مرة واحدة يسيبوها تلاقي نفسها في الشارع لوحدها بعد اما كانو حواليها (دة مجاز على فكرة عارفة انه ميتفهمش مبعرفش اشبه بس قلت اجرب )عادي بقى ....عادي اوي الدنيا مبقاش فيها ناس.. بقى فيها وحوش بتنهش في بعض مش بتخاف على بعض و لا تراعي بعض النفاق دة صعب اوي اوي ربنا معاها بقى و انا هحاول اكون جنبها اد ما اقدر يمكن في يوم يعرفو انهم غلطو فيها اوي و ييجوا يعتذرولها و لحد اما دة يحصل مش سايباها لوحدها بس بجد يا جماعة رايكم ايه ؟؟؟ هل دي حاجة انا بس اللي شايفاها و للا ظاهرة النفاق و الناس اللي بوشين دي زادت اوي ؟؟؟؟ طب و ايه الحل ..و لما حد من الناس دول يغلط فينا من ورانا نواجهه و للا نكتم في نفسنا و نسكت و افرض و اجهته و قاللك دة انت بس بيتهيالك و يحرجك هترد عليه تقول ايه و لو مرديتش عليه هتقدر تصمد اد ايه انهي البوست بايه و الله مانا عارفة ازا كان انتهى و للا دي البداية و بس ربنا يرحمنا من الناس المنافقة دي ياااااااااااااااااااارب
1 comment:
النفاااااااااااااق
واحدة من اسوء الصفات اللي موجودة في البني ادمين .. ايوه حضرتك ديه بئت ظاهرة منتشرة جدا جدا لكن المشكلة انها بئت منتشرة بين الناس اللي المفروض متكونش موجودة بينهم زي الاصحاب مثلا و خصوصا لما الاقي واحد مقابل شخص تاني بالابتسامة الصفراء المتخلفة و هوا اصلا جواه مش كويس بالنسبة للشخص ده بجد قمة الالم لما لما تكوني شايفها بوضوح نفاق الناس لبعضيها و بصراحة ديه بردو من الحاجات اللي بتدمر تماما ثقتك في الناس .. اما النقطة المهمة كمان بئى اللي انا شخصيا بعتبرها نفاق اللي هي المجاملات ان حد يجامل حد او يمدحه بشيء مش فيه و ينفخ في صورته لغاية ما يفرقع من كتر الكلام اللي بيقوله في سموه بجد ديه من الحاجات اللي تنرفز جدا لانها اتسببت في انها تشوه صورة المدح الجميل اللي ممكن تكون كتير من الناس محتاجاه فعلا او المدح لصفاتهم اللي فعلا هما بيتصفوا بيها و بسبب المشكلة ديه مثلا خلاني مش اصدق اي حاجة حد بيقولها في حقي بالمدح مثلا لاني هحس ان هوا بيجاملني لاني شوفت مدى النفاق اللي بيحصل باسم المجاملات
حضرتك بئى قفشتي حتة تحفة اللي هي فيلم ارض النفاق دا الكاتب بتاع الرواية ديه معروف بس انا مش فاكره يوسف السباعي تقريبا اامهم الفيلم ده كان تحفة بكل المقاييس انا مقرأتش الرواية بصراحة لكن شوفت الفيلم اللي وضح مدى درجة النفاق اللي كان موجود يعني تخيلي الفيلم ده او الرواية كان في الستينات تقريبا شوفي بئى بعد نصف قرن تقريبا الدنيا بئت عاملة ازاي بجد اتمنى فعلا ان يكون معانا حبوب الصراحة و ندوبها في النيل و نخلي الناس تشرب الوصفة ديه لمدة يوم واحد ساعاتها هنشوف ما لا عيناً رأت ولا اذن سمعت ولا خطر على قلب يوسف السباعي نفسه و هوا بيكتب الرواية و بما ان ديه مجرد احلام فا كل اللي بتمناه ان ربنا يطهر قلوب الناس كلها و انا على رأسهم من النفاق و نحاول بقدر الامكان ان احنا نبتعد عنه بالرغم من ان الكثير من الناس اللي اسمهم المتملقين بئوا يستخدموا الصفة ديه علشان يوصلوا بيها لمراكز اعلى و ممكن كمان يتخطوا الشخص الشريف اللي رفض ان هوا ينافق علشان يوصل لمراكز اعلى لكن الشخص الشريف ده يكفيه ان ينام بقلب سليم و نفس طاهرة و يقابل بيهم ربنا اللي اكيد هيجازيه خير لو مكنش في الدنيا يبئى في الاخرة
عموما اسف للاطالة لكن زي ما قولت الموضوع ده جه على الجرح يلا بئى ربنا يهدي الجميع
تحياتي
سلام
Post a Comment